Næst í einn á einn ætlum við að skella okkur vestur um haf og heyra frá Friðriku Magnúsdóttur, unga SR-ingnum sem í haust hóf nám við Académie Ste-Cécile International School í Windsor, Ontario, Kanada.
Aðspurð segir hún að vel hafi verið tekið á móti henni, aðstaðan frábær og hokkíið gengur vel!

– Fullt nafn:  
Friðrika Ragna Magnúsdóttir

– Gælunafn:  
Frikka

– Aldur:    
16 ára

– Staða á ísnum:  
Lang oftast center en spila stundum væng eða vörn ef það vantar.

– Hvenær spilaðir þú fyrsta meistaraflokksleikinn þinn:  
Spilaði fyrsta leikinn minn með mfl kvk 11 ára.

Þrátt fyrir að vera einungis 16 ára hefur hún spilað 59 leiki fyrir kvenna lið SR.

– Hver er og var fyrirmyndin þín:  
Hákon [Hákon Magnússon] bróðir minn hefur alltaf verið mín stærsta fyrirmynd og er það ennþá.

– Uppáhalds matur eða matsölustaður:  
sushi, steiktur fiskur og soðin ýsa!

– Uppáhalds drykkur fyrir eða eftir leik:  
Gatorade/Powerade og vatn fyrir leik og svo ískalt vatn með klökum eftir leik.

– Uppáhalds sjónvarpsþáttur / bíómynd:  
The notebook, 10 things I hate about you og Happy Gilmore. Svo elska ég allar hryllingsmyndir!

– Uppáhalds tónlistarmaður eða hvaða lag kemur þér í gírinn:  
Eftir að ég fór út fór ég að hlusta mikið meira á íslenska tónlist t.d lög eins og fjöllin hafa vakað

– Hvaða samfélagsmiðil notar þú mest:  
Instagram og snapchat

– Hver er fyndnasti í liðinu:    
Í U18 landsliðinu er það allan daginn Kolbrún Björns [Kolbrún Björnsdóttir] og í SR er það Brynja [Brynja Þórarinsdóttir].

Friðrika hefur skorað 22 stig í einungis 9 leikjum með u18 kvenna landsliðinu

– Hver er verstur í að mæta á réttum tíma:   
Í U18 landsliðinu kemst enginn upp með það að mæta seint en í SR er Ylfa Kristín [Ylfa Bjarnadóttir] dugleg í því að mæta alltaf 5 mín fyrir ís en mætir samt einhvernvegin alltaf inn á ís á réttum tíma.

– Hver er með skrítnustu leikdagsrútínuna:   
Andrea Diljá [Andrea Bachmann] verður fyrir valinu í bæði Landsliðinu og SR.

– Hvern í liðinu myndir þú senda í Love Island:   
Kristínu, [Kristína Davíðsdóttir] hún myndi slá í gegn!!

– Hvernig kylfu spilar þú með:    
Hyperlite 2

– Besti leikmaður sem þú hefur spilað með:  
Sunna Björgvins [Sunna Björgvinsdóttir], mikill heiður að fá að spila með henni í landsliðinu.

– Besti þjálfarinn sem þú hefur haft:  
Get ekki valið á milli Milosar [Miloslav Racansky] og Jón Gísla [Jón Gíslason].

– Helsta afrek á ferlinum:  
Að vera fyrst í sögu Ste Cécile Stallions að skora Michigan mark. Svo var líka mjög gaman að hafa tekið þátt í upprisu kvennaliðs SR, ég er ótrúlega stolt af stelpunum mínum í SR sem í dag eru orðnar stórhættulegar í íslensku deildinni.

Hér má sjá myndband af markinu góða!

– Hvaða hokkíreglu myndir þú breyta ef þú gætir:   
Allan daginn women’s body checking!! Núna þegar ég spila við bæði lið í Canada og Bandaríkjunum þar sem leyft er miklu meira contact, átta ég mig á því hversu miklu skemmtilegra hokkí verður.

– Ef þú værir ekki í hokkí í hvaða íþrótt værir þú:    
Er lúmskt góð í handbolta

– Til hvaða lands langar þig mest að fara:   
Thailands og Króatíu

– Hvaða tvo liðsfélaga núverandi eða fyrverandi myndir þú taka með þér á eyðieyju – og af hverju:   
Ég myndi taka Kristínu [Kristína Davíðsdóttir] og Örnu [Arna Friðjónsdóttir], við myndum skemmta okkur konunglega og ég hef fulla trú á því að við gætum komið okkur af eyjunni!