Tveir ólíkir leikir fyrir norðan þegar Jötnar taka 6 stig gegn Húnum í U22

by | 24 nóv, 2025 | Fréttir, Greinar, Toppdeild Karla

Jötnar og Húnar mættust í tveimur leikjum um helgina í Skautahöllinni á Akureyri í U22 riðli Toppdeildar karla. Fyrri leikurinn á laugardag var æsispennandi og endaði með 5-4 sigri Jötna, en sá síðari á sunnudag var sannkölluð einstefna og Jötnar unnu stórsigur 11-1.

Laugardagur – Jötnar 5-4 Húnar (2-2, 2-1, 1-1)

Fyrri leikurinn var jafn frá upphafi til enda þar sem liðin skiptust á að skora í fyrsta leikhluta. Húnar náðu þó ekki að halda í við Jötna í öðrum leikhluta þar sem þeir gerðu eitt mark gegn tveimur Jötna mörkum. Aftur skiptust liðin á að skora í þriðja leikhluta og var spenna alveg þangað til í lokin þar sem Húnar hótuðu jöfnunarmarki einum fleiri síðustu þrjár og hálfu mínútu leiksins en hann vildi ekki inn og Jötnar unnu því glæsilegan 5-4 sigur í fyrri leik helgarinnar.

Tölfræði:

Jötnar:

  • Robbe Delport 2/0
  • Alex Ingason 2/0
  • Bjarmi Kristjánsson 0/2
  • Bjartur Westin 1/0
  • Bjarki Jóhannsson 0/1
  • Mikael Eiríksson 0/1
  • Askur Reynisson 0/1
  • Elvar Skúlason 0/1
  • Elvar Sigurðarson – 30/34 (88.2%)

Húnar:

  • Gabríel Egilsson 0/3
  • Gunntstein Birkisson 2/0
  • Hektor Hrolfsson 1/1
  • Pétur Egilsson 0/2
  • Birkir Einisson 1/0
  • Kristján Jóhannesson 0/1
  • Bergþór Ágústsson 0/1

Þórir Aspar – 28/33 (84.8%)

(Ólafur Már Þorgrímsson)

Sunnudagur – Jötnar 11-1 Húnar (2-1, 5-0, 4-0)

Eftir jafnan leik á laugardag sprungu Jötnar út á sunnudegi. Liðið skoraði ellefu mörk frá átta leikmönnum og unnu einn stærsta sigur tímabilsins til þessa. Fyrsti leikhluti byrjaði nokkuð jafn og leiddu Jötnar þá 2-1. Eftir það sáu Húnar aldrei til sólar og töouðu næstu tveimur leikhlutum 5-0 og 4-0 og því samanlagt 11-1 sigur Jötna. Sýndi það sig þarna í öðrum leik helgarinnar að erfitt fyrir 10 útileikmenn Húna að eiga við breiddina á fullu 20 manna liði Jötna.

Tölfræði:

Jötnar:

  • Robbe Delport 3/3
  • Uni Blöndal 1/3
  • Bjartur Westin 2/1
  • Bjarki Jóhannsson 1/1
  • Mikael Eiríksson 1/1
  • Magnús Sigurólason 0/2
  • Daníel Ryan 0/2
  • Jón Magnússon 0/2
  • Aron Gautason 1/0
  • Alex Ingason 1/0
  • Askur Reynisson 1/0
  • Björn Jónsson 0/1

Elvar Sigurðarson – 11/12 (91.7%)

Húnar:

  • Gunntstein Birkisson 1/0
  • Gabríel Egilsson 0/1
  • Elías Baldursson 0/1

Þórir Aspar – 48/59 (81.4%)

Þórir fékk á sig 59 skot í seinni leik helgarinnar (Ólafur Már Þorgrímsson)

Næstu leikur í Toppdeild U22 eru fyrstu helgina á nýju ári þegar Húnar mæta aftur norður í tvíhöfða.

Share This