Sigurmark Sunnu á elleftu stundu

by | 22 nóv, 2026 | Fréttir, Toppdeild Kvenna

Myndatexti: Guðrún Ásta Valentine var skrefi á undan andstæðingunum og skoraði tvívegis fyrir SA.

Ljósmynd/Hafsteinn Snær.

Skautafélag Reykjavíkur náði í stig á Akureyri í Topp-deild kvenna í gærkvöldi en landsliðskonan Sunna Björgvinsdóttir tryggði SA tvö stig með gullmarki á elleftu stundu í framlengingunni.

Ekki þarf að spyrja að því að sjálfsögðu var spennan og dramatíkin alls ráðandi í leiknum eins og í flestum leikjum sem af er tímabilinu í Topp deildunum. Um það bil átta mínútur voru eftir þegar Gunnbjörg Jóhannsdóttir jafnaði leikinn fyrir SR í 4:4 og tryggði SR þar með stig og knúði fram framlengingu.

Einungis 8 sekúndur voru eftir af framlengingunni þegar Sunna skoraði gullmarkið fyrir SA og þar við sat. SA vann 5:4 og er sem fyrr í toppsæti deildarinnar. Liðið hefur unnið 4 af fyrstu 6 leikjunum og þann fimmta eftir framlengingu.

Staðan að loknum fyrsta leikhluta var 1:1 en markahæsti leikmaður deildarinnar Silvía Rán Björgvinsdóttir skoraði fyrsta mark leiksins fyrir SA en Berglind Leifsdóttir jafnaði fyrir SR.

Í öðrum leikhluta komu tvö mörk frá Guðrúnu Ástu Valentine og tókst henni þá að koma SA í 3:1. Það dugði skammt því SR jafnaði 3:3 áður en öðrum leikhluta var lokið með mörkum frá Bríeti Friðjónsdóttur og Ylfu Bjarnadóttur.

Myndatexti: Gunnborg Jóhannsdóttir átti þátt í þremur mörkum SR.

Ljósmynd/Hafsteinn Snær.

Í þriðja leikhlutanum skoraði Herborg Geirsdóttir fjórða mark SA en Gunnborg jafnaði eins og áður segir.

SR-ingar sýndu því mikla seiglu í leiknum með því að svara fyrir sig þegar liðið lenti undir hvað eftir annað. Tryggði það liðinu stig en liðinu tókst þó aldrei að komast yfir í leiknum.

Sunna átti þátt í fjórum mörkum hjá SA því hún gaf þrjár stoðsendingar. Hjá SR gaf Gunnborg tvær stoðsendingar auk þess að skora.

Mörk SA: Guðrún Ásta Valentine 2, Silvía Rán Björgvinsdóttir, Herborg Geirsdóttir, Sunna Björgvinsdóttir.

Stoðsending: Sunna Björgvinsdóttir 3, Silvía Rán Björgvinsdóttir, Berglind Huld Ríkarðsdóttir, Sólrún Assa Arnardóttir, Magdalena Sulova.

Mörk SR: Berglind Leifsdóttir, Bríet Friðjónsdóttir, Ylfa Bjarnadóttir, Gunnborg Jóhannsdóttir.

Stoðsendingar: Gunnborg Jóhannsdóttir 2, Bríet Friðjónsdóttir.

Leikur #8

laugardaginn 21. nóvember 2026 kl.16:45


Skautafélag Akureyrar

5

gegn

4


Skautafélag Reykjavíkur

1. Lota

Tími
Lið
Atvik
00:00
Markmaður á ís

#41 shawlee gaudreault

00:00
Markmaður á ís

#80 julianna thomson

12:36
🔔 MARK (1 - 0, EQ)

#91 silvia bjorgvinsdottir, Stoð: #33 berglind huld ríkarðsdóttir, #26 solrun assa arnardottir

16:14
🔔 MARK (1 - 1, EQ)

#18 berglind leifsdóttir, Stoð: #19 bríet maría friðjónsdóttir

2. Lota

Tími
Lið
Atvik
23:46
🔔 MARK (2 - 1, EQ)

#10 guðrún ásta valentine, Stoð: #23 sunna bjorgvinsdottir

28:35
🔔 MARK (3 - 1, EQ)

#10 guðrún ásta valentine, Stoð: #23 sunna bjorgvinsdottir

28:51
🔔 MARK (3 - 2, EQ)

#19 bríet maría friðjónsdóttir, Stoð: #29 gunnborg petra jóhannsdóttir

39:10
🔴 Brot (2 mín, Fella)

#33 berglind huld ríkarðsdóttir

39:31
🔔 MARK (3 - 3, PP1)

#88 ylfa kristín bjarnadottir, Stoð: #29 gunnborg petra jóhannsdóttir

3. Lota

Tími
Lið
Atvik
51:36
🔔 MARK (4 - 3, EQ)

#77 herborg geirsdottir, Stoð: #23 sunna bjorgvinsdottir, #91 silvia bjorgvinsdottir

52:32
🔔 MARK (4 - 4, EQ)

#29 gunnborg petra jóhannsdóttir, Án stoðsendinga

57:26
🔴 Brot (2 mín, Fella)

#23 heiður atladóttir

57:54
🔴 Brot (2 mín, Fella)

#23 sunna bjorgvinsdottir

58:45
🔴 Brot (2 mín, Fella)

#26 solrun assa arnardottir

58:45
Leikhlé

-

Framlenging

Tími
Lið
Atvik
64:54
🔔 MARK (5 - 4, EQ)

#23 sunna bjorgvinsdottir, Stoð: #91 silvia bjorgvinsdottir, #68 magdalena sulova

64:54
Markmaður af ís

#41 shawlee gaudreault

64:54
Markmaður af ís

#80 julianna thomson

 

Share This