SR situr í toppsæti úrvalsdeildar karla eftir leikinn gegn SFH í Laugardalnum í gærkvöldi.

Glæsilegar varnir frá báðum markmönnum, slagsmál og mörk voru í boði í Laugardalnum í gærkvöldi þegar SFH mætti ​​SR í síðasta leik ársins 2024. Á endanum var það tilhneiging SFH að leika með færri menn á ísnum sem leiddi þá til taps, þeir fengu þrjú powerplay mörk á sig en náðu aðeins að skora eitt sjálfir.

Leikurinn byrjaði vel og hressilega og skiptust liðin á að sækja. Eftir um fimm mínútur af fyrsta leikhluta náðu SR menn 1-0 forystu með marki þegar þeir voru tveimur fleiri. Það tók SR ekki langan tíma að byggja upp hraða og eftir 15 mínútur var staðan orðin 4-0 fyrir SR. Lokamínútur leikhlutans voru fjörugar og nýttu SFH-ingar tækifærið þegar þeir voru í yfirtölu og skoruðu til að halda sér inni í leiknum 4-1.

Í öðrum leikhluta sótti SFH stíft og settu pressu á SR en náðu ekki að koma pökknum í markið fyrr en SR hafði skorað aftur með manni meira á ísnum. En í þessari lotu skutu SFH oftar en SR og fengu þeir meiri tíma og fleiri færi fyrir framan mark SR en í fyrsta leikhluta. Leikhlutinn endaði 5-2.

Stuttu eftir að þriðji leikhluti hófst komst SR aftur í 5 á 3 og skoraði þriðja powerplay-markið. SFH svaraði þegar 5 mínútur voru eftir af leiknum með frábæru marki Ævars Arngrímssonar #8. Staðan 6-4 og SFH eygði möguleika á að fara í framlengingu.

Það var á þessum síðustu fimm mínútum leiksins sem skapið blossaði upp og hanskarnir lentu á ísnum. Refsing komu báðum liðum í 4 á 4 þegar tvö slagsmál brutust út samtímis í varnasvæði SFH. Skömmu síðar voru tveir Kanadamenn og tveir Íslendingar á leið í sturtu.

Síðustu þrjár mínútur leiksins voru æsispennandi og buðu upp á slapshot mark SFH og hraðaupphlaup SR sem Radek Haas stöðvaði með glæsilegri vörn. Í síðustu tilraun til að jafna leikinn og knýja fram framlengingu tóku SFH markmann sinn út en þrátt fyrir aukamann á ísnum komu þeir ekki í veg fyrir að SR skoraði í autt markið og endaði leikurinn 7-4.

SR situr nú á toppi deildarinnar með 22 stig. SA er í öðru sæti með 21 stig, Fjölnir í þriðja með 16 stig og SFH í því fjórða með 10. Fyrsti leikur ársins 2025 verður á milli Fjölnis og SA á Akureyri þann 4. janúar.

Leikurinn í tölum:
SOG (skot á mark): SR 48 SFH 31
PIM (refsing í mínútum): SFH 54 SR 48
PPG: SR 3 SFH 1

Jóhann Ragnarsson (SR) fékk á sig 31 skot og varði 27: 87 % markvarsla.
Radek Haas (SFH) fékk á sig 48 skot og varði 41: 85% markvarsla.

Mörk/stoðsendingar:
Skautafélag Reykjavíkur
# 9 Axel Orongan 2/0, #11 Haukur Karvelsson 0/3, #15 Niels Hafsteinsson 2/1, #16 Gunnlaugur Þórsteinsson 2/0, #17 Alex Sveinsson 0/2, #18 Sölvi Atlason 0/1, #23 Hákon Magnusson 1/1, #31 Jóhann Ragnarsson 0/1, #40 Thorgils Eggertsson 0/2, #92 Luckas Dinga 0/1

Skautafélag Hafnarfjarðar
# 8 Ævar Arngrímsson 1/0, #11 Styrmir Maack 0/1, #12 Elvar Snær Ólafsson 2/0, #22 Alex Kotásek 0/1, #29 Edgar Protcenko 1/1, #61 Egill Thormodsson 0/1