Það var hart barist í Skautahöllinni á Akureyri í gær þegar SA og Fjölnir mættust í Toppdeilda karla. Heimamenn í SA höfðu betur 4–3 í spennandi og jafnri viðureign þar sem bæði lið sýndu gæði og baráttu frá fyrstu mínútu til þeirrar síðustu.
Mikil harka var fyrir norðan í gær
Leikurinn:
Fjölnir byrjaði af krafti og komust yfir strax eftir 17 sekúndur með marki frá Birki Einissyni. SA jafnaði í 1–1 með marki frá Hafþóri Sigrúnarsyni um miðjan fyrsta leikhluta og staðan var því jöfn eftir fyrstu tuttugu mínúturnar.
Í öðrum leikhluta var jafnræði með liðunum en bæði náðu að bæta við einu marki hvort. Kristján Jóhannesson skoraði fyrir Fjölni og Róbert Hafberg jafnaði aftur fyrir SA.
Þessi var alltaf á leiðinni inn
Fjölnir komst yfir í þriðja sinn í leiknum þegar Jere Koikkalainen kom Fjölni yfir snemma, en SA svaraði undir lokin með mörkum frá Arnar Kristjánssyni og Hafþóri Sigrúnarsyni sem tryggðu sigurinn.
Tölfræði:
SA
- Róbert Steingrímsson – 17/20 (85,0%)
- Hafþór Sigrúnarson 2/0
- Arnar Kristjánsson 1/1
- Róbert Hafberg 1/1
- Robbe Delport 0/2
- Unnar Rúnarsson 0/2
- Bjarmi Kristjánsson 0/1
Refsimínútur: 10
Fjölnir
- Tuomas Heikkonen – 42/46 (91,3%)
- Birkir Einisson 1/1
- Hektor Hrólfsson 0/2
- Freyr Waaage 0/2
- Jere Koikkalainen 1/0
- Kristján Jóhannesson 1/0
- Róbert Pálsson 0/1
Refsimínútur: 12
Nóg var að gera hjá Heikkonen í gær
SA hélt þar með sigrinum heima og komu sér 3 stigum á undan SR sem sitja í öðru sæti deildarinnar. Fjölnir spilaði góðan leik en þurfti að sætta sig við naumt tap og því ennþá stigalausir í vetur. Þessi lið mætast aftur næsta þriðjudag í Egilshöllinni þar sem Fjölnir þurfa að koma sér á blað til að dragast ekki of langt aftur úr í deildinni.